سؤال مهم-موضوع هام للنقاش

سؤال بسأله لنفسي من زماااااااااااااااااااااااان
هو صحيح لو أنا بقيت رئيس جمهورية ....... ياتري هعمل كل اللي نفسي فيه من اصلاحات؟؟؟؟؟
ياتري لو مسكت المسؤلية.........هحقق كل اللي كلنا بنحلم بيه دلوقتي؟؟؟؟؟؟
نظافة...تقدم....ازدهار....نرجع القدس لينا ولو بالحرب....ازرع الصحاري...واملي الدنيا عمار.... مخليش ولا فقير في مصر....
طب لو فعلا انا هعمل الكلام ده وممكن أعمله........طب ليه اللي قبلي معملوش؟؟؟؟
هل اللي في السلطة شايف حاجات انا مش شايفها؟؟؟؟؟؟
ولا هو فعلا غلط....واحنا اللي صح؟؟؟؟؟؟؟
ليه دايما الحكومة في وادي والشعب في وادي؟؟؟؟؟؟؟؟
رغم ان معظمهم اساتذة متخصصين وعلي درجة علمية متميزة

ياريت تفكروا معايا وتكتبوا رأيكم

و الله يا اسامه دي كلها اسئله كويسه
بس انا اعتقد ان اللي بيمسك رئاسه الدوله ده اكيد بيكون شايف حاجه احنا مش شايفنها
و خاصه من الناحيه السياسيه
يعني بالذات الدوله اللي بيكون اقتصادها ضعيف و بتاخد معونات من دول اخري ذات سلطه
بس اكيد فرصه الاصلاح موجوده لو كل واحد من مكن عمله كان عنده ضمير و ابتدي بنفسه
وبالاخص المسؤلين الكبار عن الدوله لو اتقوا ربنا في الامانه اللي في ايديهم
وربنا يصلح الاحوال ان شاء الله في زمن ضاعت فيه القيم

السلام عليكم ورحمة الله وبركاته
حقيقى سؤال حلو ولكن محتاج تأصيل يعنى نرجع بيه للخلف حتى نصل الى اصل الحاكم وهو انه كان فى يوم من الايام واقف مثلنا مع اصدقائه ومكنش فى دماغه انه هيكون رئيس ولا حاجة والمشكلة هى انه اى واحد من الاصدقاء كان هو الرئيس مكنتش هتفرق كتير لان ابناء الجيل الواحد فكرهم فى الغالب بيكون موحد وقريب من بعضه فلو كويسين يبقى الرئيس اللى هيخرج منهم كويس ولو غير كده يبقى النتيجة كما هى الان فلو تحب تحكم على نفسك او اى واحد فينا لو بقى رئيس هيعمل ايه فممكن تشوف الاغلبية العظمى من جيلنا عاملة ازاى وتأكد ان الرئيس هيكون واحد منهم بنفس الفكر
حد فهم حاجة

rory كتب:

تفتكر يابشمهندس لو فى يوم من الايام كنت فى منصب كبير هتعمل كل اللى كنت بتحلم بيه ولا هتنسى كل الكلام وكل الى كنت بتتمنى تعملو من أصلاحات وهتفكر فى مصلاحتك فقط والذاى تحافظ على منصبك ومكانك وبعدين طبيعة أغلب الناس بتتكلم كتير بس مبتعملش حاجة

شكرا يابشمهندسة علي تعقيبك ....... أما بالنسبة للنقطة اللي أثرتيها في ردك
فده كان أصل الموضوع وهو ده السؤال اللي ابتديت بيه المناقشة .....
بس من وجهة نظري الثبات علي الحق بيرجع لنقطتين اساسيتين
1- قدرة المسؤول علي مواجهة الظروف المختلفة والصعبة بحكمة تراعي مصلحة الشعب وبدون تهور بلا حسابات سليمة
2- ان الكلام اللي بيقوله ميكونش مجرد شعارات انتخابية لجذب الرأي العام تجاهه بل بالعكس يكون كل الكلام اللي بيقوله يكون مقتنع بيه لأنه هيكون مسؤول عنه بعد ذلك أمام ربه وشعبه

[/size]
[size=18]
أما بالنسبة ليا انا طالما وجهتي السؤال ليا.........فانا معنديش استعداد ان اتولي مسؤلية بلد كاملة
لاني بكل بساطة مش شايف ان مواصفات راعي الامة متوافرة فيا
فعلي سبيل المثال لا أعرف اذا كنت قادر علي قيادة الشعب في الظروف الصعبة بحكمة أم لا
وغير ذلك من أمور ضرورية يجب ان تتوافر في شخصية الحاكم في السلم والحرب

انا اول حاجه هعملها انى هصدر امر لوزير الداخيله(طبعا مش هيبقى حبيب العدلى) انه يحبس كل الوزراء اللى كانوه فى عهد حسنى مبارك ويحقق معاهم ويقولهم من اين لكم كل الاموال ديه واللى يطلع منهم سرق فلوس البلد يتعدم فى ميدان التحرير.


على فكره انا مش وليد صابر ولا ديه صورتى؟؟؟؟؟؟؟؟؟؟؟؟؟

لو صحيت من النوم وبقية رئيس جمهورية طبعا دا حلم بعيد المنال بس الانسان ميقدرش يعيش من غير احلام على اى حال اول حاجه هعملها هغير كل حاجه حوليه هختار ناس تكون على قدر المسئوليه تقدر ترفع الظلم عن الناس لان الاحساس بظلم شئ صعب اوى واختار ناس تكون صريحه وصادقه معنفسها اولا لان الانسان الصادق مع نفسة هيكون صادق مع الاخرين واهم شئ يكون الناس اللى اختارهم يكونوا قد كلمتهم ويوم مايعدو يفى بوعدهم ميكنش كلام وخلاص وبس

فعلا دى صفات انسانيه ومش موجوده كتير بس مقدرش انكر ان فى ناس جميلة جدا وعندها الصفات دى هو حلم صعب بس مش مستحيل وانا معاك ان صعب اوى اعرف هل فعلا الناس اللى اختارهم يمتلكون تلك الصفات ام لا وبعدين مش كل الناس الاقريبين منك بتكون فاهمهم وعرفهم صح اوقات كتير الانسان بينخدع فى اللى حوله اتمنى ان لو صلت لمنصب كبير اقدر اختار صح الناس اللى حوليه