س- ما هي المفاجأة في إصابة شارون بنزيف في المخ؟
ج- اتضح انه عنده دم
س- لما ذا لا يصاب الحكام العرب بنزيف المخ؟
ج- عشان ما عندهمش مخ
س- ما هو الناتج عن موت شارون إكلينيكيا؟
ج- زاد العرب واحد
س- ما هي السمة المشتركة في الانتخابات العربية؟
ج- صناديق الإكتراااع
*******
س- ما هو شعار الحزب الوطني؟
ج- اللي يحب النبي يصووووت
س- السياسة التي يتتبعها الحزب الوطني؟؟
ج- بيضاء على الكريم.. سوداء على اللئيم
س- قالوا جورج بوش الابن سينشر الديموقراطية.. ماذا يعني بنشر؟؟؟
ج- انه يكون زى المنشار طالع واكل نازل واكل
س- عرف المساواة؟
ج- هي كلمة من مقطعتين
الـ موس: وهي أداه يقطع بها لسان كل مواطن يتطاول على الحكومة
الـ واه: هي الكلمة التي تصدر من ذلك المواطن لما يقطع لسانه
*******
س- أيهما أخطر إسرائيل أم أمريكا؟
ج- ممكن أحذف إجابتين؟
س- لماذا نقول دائما على الناجحين في الانتخابات أنهم ناجحون باللعب في الأصوات؟
ج- عشان إحنا شعب حاقد وخسارة فينا الديموقراطية
س- الشفحتاريت المفتحز بالسهاريظ المشعظة للوطن العربي؟
ج- يعنى إيه وطن عربي؟
توضيح لجيم: الوطن العربي بتاع الأغنية اللي بتيجي لما مصر تخسر من تونس عشان الروح الرياضية
باقي جيم: آه.. قصدك الوطن العربي المفكك للأبد
*******
س- لماذا لا يتحد العرب؟؟
ج- عشان يوفروا نفقات الاحتفالات السنوية بعيد الاتحاد
س- لماذا تتواجد المشاكل دائما في كل اجتماعات الرؤساء العرب؟
ج- عشان الحياة الزوجية من غير مشاكل بتبقى مملة أوي أوي
س- ايه صلة القرابة بين العرب والهنود الحمر
ج- الاتنين على راسهم ريشة
*******
س- ايه اللي يحصل لو بيل جيتس بقى مسلم وقال أنا هخصص ربع دخلي للمجاهدين؟
ج- ابداً.. حيبقى اغنى رجل في جوانتنامو
س- ليه الوزراء بيحلفوا اليمين؟
ج- عشان يبقوا يصوموا 3 ايام كفارة اليمين
س- ماهي موصفات الحاكم العربي؟
ج- طول النفس.. لأنه هيقعد فى الحكم 898989 سنة
البرود.. عشان يطلع للشعب كل شوية بتصريحات وردية
العته.. عشان يصدّق قراراته التاريخية الحكيمة
الخشوع.. لزوم التصوير ساعة صلاة العيد
*******
دعابة منتشرة فى رسائل الموبايل
أن تعطي ابنك موبايل.. فأنت لطيف
وان تعطي ابنك سيارة.. أنت كريم
وان تعطي ابنك بلد وشعبا ليلعب بها هو وأصحابه.. فأنت مبارك
منقوووووووووووووووول
موضوع: اسئله سياسيه 
الخميس سبتمبر 06, 2007 4:23 pm
